15/11/12

Presentacións nos Recreos: Nanocontos (2011-12)

Esta semana, durante os recreos da nosa Biblioteca, proxectaremos a escolma de 20 Nanocontos seleccionados para a edición do caderno que presentamos a semana pasada. Inclúense tamén algunhas fotografías do acto.


14/11/12

Presentación do caderno coa IV Recollida de Nanocontos (II)

Onte, como estaba anunciado, presentamos na nosa Biblioteca, no 2º recreo, o caderno no que recollemos 20 dos relatos presentados á IV Recollida de Nanocontos, celebrada durante o curso 2011-2012.

Durante o acto, algúns dos autores leron de viva voz os seus Nanocontos, e todos os asistentes foron agasallados cun exemplar do caderno. A portada do mesmo foi deseñada por Alfonso González, profesor do Departamento de Xeografía e Historia, a quen lle agradecemos a súa colaboración.

Graciñas ás (poucas) persoas que asistiron, e lembramos que o certame deste ano está xa convocado: os concursantes teñen ata o día 30 deste mes para depositar os seus Nanocontos nas urnas que están na Biblioteca.

Aquí vos deixamos cinco fotografías do acto.

Presentación Caderno Nanocontos 2012 (13-11-12)

9/11/12

Presentación do caderno coa IV Recollida de Nanocontos


O vindeiro martes día 13 (non somos supersticiosos) presentaremos na nosa Biblioteca, durante o 2º recreo (12,10-12,30) un caderno no que recollemos 20 dos Nanocontos presentados á convocatoria do curso pasado. Quedades todos convidados

5/11/12

Libro del Mes (Noviembre)

La cuarta novela de Eduardo Mendoza es el relato de un trepador social: Onofre Bouvila es un joven que, partiendo de orígenes humildes, llegará a convertirse en uno de los hombres más ricos de Cataluña y de toda España. De fondo, la evolución, a veces mágica, de la ciudad de Barcelona entre 1888 y 1929. Una novela para degustar.

 

Novidades Novembro (I) / Novedades Noviembre (I)




A extinción das especies é unha das principais preocupacións do movemento ecoloxista mundial. O Departamento de Bioloxía achéganos esta proposta para tomar conciencia do feito. Robert Barbault demostra como a asociación colaborativa dos diversos seres vivos é o mellor xeito de garantir a continuidade da vida no noso planeta.





O volframio foi un mineral moi cobizado pola Alemania nazi, e algunhas bisbarras galegas posuíano en abundancia. Nos anos seguintes á Guerra Civil española, o tráfico, legal e ilegal deste elemento necesario para as blindaxes, fixo que a vida de moitas persoas se volvese moi axitada: roubos, asasinatos, vinganzas... Ese é o ambiente desta novela de Héctor Carré, coñecido en Galicia tamén polas súas actividades como cineasta.







O Cantar de Roldán é o poema épico máis antigo conservado en lingua romance, neste caso en francés antigo. Conta a batalla de Roncesvalles (778), na que presumiblemente se enfrontaron varias tribos de vascóns á retagarda do rei dos francos Carlomagno. As fazañas con fondo relixioso do conde Roldán fixéronse moi famosas en toda Europa.